ዜና ትግርኛ

ግዝኣታዊ ልኡላውነትና ከይድፈር፡ ኣብ ውሽጥና ዘሎ ድፋዕ ፖለቲካዊ ድሕረት ይሰበር።

Written by: ክብሮም ከሰተ

ሃገራዊ ነጻነት ዝተደልየሉ መሰረታዊ ሕቶ፡ ኤርትራዊ ዜጋ ከም ሰብ፡ መሰረታዊ ሰብኣውን ደሞክራስያውን መሰሉ ብሕግን ብተግባርን ተሓልዩ፡ ብህይወት ንምንባር ዘድልዮ መሰረታዊ ጠለባት ረኺቡ፣  ኣብ ሃገራዊ ጉዳያት ወሳኒ ልኡላዊ ህዝባዊ  ስልጣን ኣረጋጊጹ፡ ምዩቕ ከይበለ ብመስተርሆት ንኸነብር’ዩ። ህዝቢ ኤርትራ ነዚ ሕቶ’ዚ ንምምላስ ካብ መጀመርታ 40ታት ክሳብ ሎሚ ከይረብረበ፡ ግን ከኣ ብምልኣት ሕቶኡ ከይመለሰ ብዓይነቱ፡ መልክዑን ዓቐኑን ዝፈላለ ፖለቲካውን ዕጥቃውን ቃልሲ ኣካይዱን ዛጊት የካይድ ኣሎን።

ድሕሪ ነዊሕ ጉዕዞን ብዙሕ ኩለ-መዳያዊ መስዋእትን ኣንጻር ቀዳሞት ባዕዳውያን ገዛኢት ዝተኻየደ ሰላማውን ደማውን ህዝባዊ ቃልሲ፡ ኣብ 1991 ብሓይሊ፡ ኣብ 1993 ከኣ ብሕጊ መደምደምታ ረኺቡ።  ልኡላውነት ሃገረ ኤርትራ በቲ ዓለም ለኻዊ ናይ ሃገርነት መዕቀኒ ቅቡል ኮይኑ። ይኹን ‘ምበር ኣብ ውሽጣዊ ምምሕዳሩ  ክብሪ ወዲ-ሰብን ልኡላዊ ናይ ምውሳን ስልጣን ህዝብን ዘይተረጋገጸሉ ክሊ መሬት፡ ኣየርን ባሕርን ልኡላዊ ግዝኣት ኤርትራ ንበይኑ ግን ምሉእ መልሲ ኣይኮነን። ስለምንታይ? ብዘቤታዊ ሸነኹ ጎደሎ’ዩ።

Read more: ግዝኣታዊ ልኡላውነትና ከይድፈር፡ ኣብ ውሽጥና ዘሎ ድፋዕ ፖለቲካዊ ድሕረት ይሰበር።

ብምኽንያት መበል 64 ዓመት ዝኽሪ ምጅማር ብረታዊ ተጋድሎ ህዝብታት ኤርትራ፡ ብደሞክራስያዊ ግንባር ሓድነት ኤርትራ /ደግሓኤ/ ዝወጸ፡ ውድባዊ መግለጺ፡

Written by: ደግሓኤ

ህዝብታት ኤርትራ ነቲ ብባዕዳዊ መግዛእቲ ኢትዮጵያ ዝወርዶም ዝነበረ ዘስካሕክሕ ኩሉ-መዳያዊ ጭቆና፡ን20 ዓመታት ዝኣክል ዘካየድዎ ሰላማውን ሕጋውን ኣገባብ ቃልሲ ከዐውትዎ ስለ ዘይከኣሉ ብሓደ መስከረም 1961 ዓመጻዊ ኣገባብ ቃልሲ ተገዲዶም ዝጀመሩላ ታሪኻዊት ዕለት ኢያ፡፡

እቲ ብተበግሶ ተጋድሎ ሓርነት ኤርትራ ዝተጀመረ ዕጥቃዊ ቃልስና፡ ዋላ እኳ ፍትሓዊ ናይ ሓርነት ዕላማ ብምሓዝ ዝተበገሰ እንተነበረ፡ ነዚ ፍትሓዊ ዕላማታት ከዐውት ዝኽእል ቅኑዕ እስትራተጂታት ብምሕንጻጽ ተቓሊሱ ከቃልስ ዝኽእል ብቑዕ ህዝባዊ ደሞክራስያዊ ውድብ ክውነን ስለ ዘይተኻእለ መስርሕ ዕጥቃዊ ቃልስና እናተጸገመ፡ ሃገራዊ ዓቕምታትና ኣንጻር ናይ ሓባር ጸላእቲ ክውደብን ከቕንዕን ብምግባር ምቅላስ ስለ ዘይተኻእለ ተቓላሳይ ዓቕምና ክዳኸምን ዕድመ ብረታዊ ቃልስና ክናዋሕን ህዝብታትና ካብ ዝግባእ ንላዕሊ መስዋእትን ስንክልናን ክኸፍሉን ዝተፈላለዩ ሓሳረ-መከራ ክርእዩን ክሳቐዩን ኮይኖም እዮም፡፡

Read more: ብምኽንያት መበል 64 ዓመት ዝኽሪ ምጅማር ብረታዊ ተጋድሎ ህዝብታት ኤርትራ፡ ብደሞክራስያዊ ግንባር ሓድነት ኤርትራ /ደግሓኤ/ ዝወጸ፡ ውድባዊ መግለጺ፡

ዘርእን ቦታን ዘይፈሊ ቅኑዕ ሰብኣዊ ሕልናን ፍትሓዊ ፖለቲካዊ መርገጽን ብኩሉን ኣብ ኩሉን ይጠጥዕ።

Written by: ክብሮም ከሰተ

ሎሚ ሎሚ እቲ ንዓመጽን ኣድልዎን ዝጽየንን ዝኹንን ሚዛን ሓቅን ፍትሕን ዝሕሉ ፋሪሓ እዝግኣብሄር መሰረቱ ዝገበረ ቅኑዕ ሰብኣዊ ሕልና፡ ደረጃ ብደረጃ ካብ ኣእምሮ ደቂ-ሰባት ዝርሕቕ ዘሎ ይመስል። ዋሕስን ጠበቓን ውሑዳት፡ ድኹማትን ድኻታትን፡ ጸረ-ዓመጽን ዓመጽትን ኮይኑ ከገልግል  ዝቖመ ዓለማዊ ትካላትን ሕግታትን ብተመሳሳሊ፡ ተልእኾኡ ክፍጽም ኣብ ዘይኽእለሉ ደረጃ ኣንቆልቊሉ ይርከብ። ከም ናይ’ዚ ውድቀት መግለጺ ከኣ፡ ፖለቲካዊ ስልጣንን ሃብትን ዝሓዙ ውልቀ-ሰባትን ጉጅለታትን ያዕ ዝብል ሕጊ ስኢኖም ተሓቢኦም ዘይኮነ ብወግዒ፡ ብጌጋ ዘይኮነ ብዝተጸንዐ መንገዲ ኣብ ፍጹም ዕንወትን ምጥፋእ ዘርኢ ወዲ-ሰብን ክነጥፉ ይረኣዩ ኣለው።

 ኣብ ምህዞ ስነ-ፍልጠታዊ ምርምርን መጽናዕትን ዝነጥፉ ገለ ወገናት፡ ንጹርን ቀያድን ሕግታት ተገይርሎም ምሉእ ተልእኾኦም፡ ጸገማት ወዲ-ሰብ ኣብ ምቅላልን ምፍታሕን ኣብ ክንዲ ዘትኩሩ፡ ዓለምና ብደርቂ ዋሕዲ ሰብ ከም ዝተጠቕዓት፡ ብምህዞ ሰብ ከፍርዩ፡ ኣብ ምቅይያር ኣካላት ስርዓተ መፍረ፣ ኣስተምህሮ ከመይነት ኣፈጻጽማ ስጋዊ ርክብ፣ ቀጻልነት ሕብረተ-ሰብ ዝቖርጽ ካብ ሕጊ ተፈጥሮ ዝወጸ ስርዓተ መውስቦ፣ ኣብ ደቓይቕ ህይወት ሰብን ኣባይትን ናብ ነበረ ዝቕይር ብብዙሕ ቶናት ዝቑጸር ክብደት ዘለዎ ቁምቡላን መርዛም ጋዝን ዝተሰከመ ምሳይላትን ኣብ ምፍራይ ክቀዳደሙ ንዕዘብ ኣለና።

Read more: ዘርእን ቦታን ዘይፈሊ ቅኑዕ ሰብኣዊ ሕልናን ፍትሓዊ ፖለቲካዊ መርገጽን ብኩሉን ኣብ ኩሉን ይጠጥዕ።

ነቲ ሕቡእ ዘግሃደ “ጽምዶ” ዝኸፍአ ጫፍ ፖለቲካዊ ክድምናን መግደፍን።

Written by: ክብሮም ከሰተ

ውልቀ-መላኺ ኢሳያስ  ናብ ቃልሲ ንነጻነት በረኻ ክወጽእ እንከሎ ናይ ንጉሳዊ ስርዓት ኢትዮጵያ ተልእኾ ከም ዝነበሮ፣ ኣብ ቃልሲ ምስተጸምበረ ምስ ስርዓት ሃ/ስላሰን ትካል ስለያ ኣመሪካ (ሲ ኣይ ኤ)ን ብዝነበሮ ርክብ  ዝተፈላለዩ ደገፋት ይግበረሉ ምንባሩን፣ ምስ ስርዓት ደርግ ኣብ ዝካየድ ዝነበረ ሕቡእ ዘተ ሰላም ትሕቲ ሃገራዊ ነጻነት ክቕበል ይሸማገል ምንባሩ፡ ግዜን ቦታን ብምጥቃስ ብወግዒ ዝውቀስ ሰብ ምዃኑ ይዝከር። እንተኾነ ነቲ ዝቐርበሉ ክሲ ዋላ ሓንቲ መዓልቲ ጌጋ ወይ ሓቂ ዝብል መልሲ ሂብሉ ኣይፈልጥን። ውሑዳት ዘይኮኑ ሰባት ግን ኢሳያስ ኣባል ሃገራዊ ስለያ ኣመሪካ ሲ ኣይ ኤ’ዩ ዝብል ርእይቶኦም ብሰነዳት ኣደጊፎም ክሕብሩ ጸኒሖም ኣለው።

Read more: ነቲ ሕቡእ ዘግሃደ “ጽምዶ” ዝኸፍአ ጫፍ ፖለቲካዊ ክድምናን መግደፍን።

ድምጺ ግፉዓት ዘይምዃን፡ ዘይተገዳስነት ወይስ ካብ ዝርገተ ሓሳብ ዝብገስ መርሆ ምስኣን?

Written by: ክብሮም ከሰተ

ህዝቢ ኤርትራ ከም ህዝቢ ብገዳማዊ ሓይሊ ዘይኮነ ብዘቤታዊ ገዛኢ ናይ ህልውና ሓደጋ ካብ ዘጋጥሞ ነዊሕ ዓመታት ኮይኑ ኣሎ። እቲ ዘቤታዊ ጸላኢ ዝጠንቁ ስቓይ ከኣ፡ ካብ ግዜ ናብ ግዜ ብዓቐንን ብዓይነትን ይውስኽ ደኣምበር ይቕንስ የለን። ዓቕሉ ዝጸበቦ ህዝቢ ብሓፈሻ፡ መንእሰያት ከኣ ብፍላይ ብዘረኸብዎ ኣጋጣሚታት ተጠቒሞም ህይወት ንምድሓን ብእግረይ ኣይውጽእኒ ካብ መቑሕ ባርነት ክሃድሙ፡ ካብ ኤርትራ ሰጊሮም ዘዕርፉለን ጎረባብቲ ሃገራት ክሳብ ብባሕሪ ድዩ ብኣየር ናብ ርሑቕ ስደት ይጎዓዙን መሊሶም ኣብ ካልእ መጻወዲያ ይእትው ኣለውን።

 ዜጋታትና ኣብ ማይበቶምን ሃገሮምን እፎይታን ክብርን ኣይረኸቡን። ኣብ ጉዕዘኦም ከኣ ግዳይ ምንጪ ኣታዊ ደላሎ ይኾኑ ናይ ኣድሕኑና ኣውያት የስምዑ ኣለው።  ኣብ ልምዓት እንተዝውዕል ብዙሕ ሽግራት ከቃልል፡ ናይ ስራሕ ዕድላት ክፈጥር ዝኽእል ዝነበረ ኤርትራዊ ገንዘብ፡ ኣብ ምስግጋር ደቂ-ሰባት ዝተዋፈሩ ነጋዶ ደምን ጽላል ዝኾንዎም መሓውራት መንግስትን ጁባ ኣትዩ ይጠፍ ኣሎ። ልዕልቲ ገንዘብ ከኣ ኤርትራዊ ዜጋ ሰብኣዊ ክብሪ ስኢኑ ይዋረድ፣ ይጋፋዕ፣ ይእሰር፣ ይቕዘፍ ኣሎ።

Read more: ድምጺ ግፉዓት ዘይምዃን፡ ዘይተገዳስነት ወይስ ካብ ዝርገተ ሓሳብ ዝብገስ መርሆ ምስኣን?

ካብ ድሌቶም ወጻኢ ብኣካል ተፈላልዮም ዝጸንሑ ኣሕዋት ህዝብታት፡ ተራኺቦም ድዩ ክበሃል ዘለዎ ወይስ ተዓሪቖም?

Written by: ክብሮም ከሰተ

ካብ እዝኒ ዓይኒ፡ ካብ ቃል ተግባር’ዩ ዝያዳ ዝእመን። ድሕሪት ምልስ ኢሉ ከም ህዝቢ ዝመጻእናሉ ፖለቲካዊ መስርሕ ንዝዝክርን ዝግምግምን ቅኑዕ ሕልና ዘለዎ ውልቀ-ሰብ ኮነ ፖለቲካዊ ውድብ፡ ኣብ’ዚ መድረኽ’ዚ ብገለ ኤርትርራውያን ዝንዛሕ ዘሎ መሰረት ዘይብሉ ፕሮፖጋንዳ ርትዓዊ ሚዛንካ ዘስሕት ኣይኮነን። ስለምንታይ’ሲ ፖለቲካዊ ተፈጥሮን ፋሽሽታዊ ተግባርን ዘቤታዊ ገዛኢ ኤርትራ ብእዝኒ ጽሮት ዘይኮነ ብዓይኒ፡ ብቃል ዘይኮነ ብተግባር ዝፍለጥ ስለ ዝኾነ ብፕሮፖጋንዳዊ ስብከቱ ተደናጊረ፡ ሓቂ መሲሉኒ ኢልካ ከተመኽንየሉ ዘኽእል ቦታ የብሉን።

ብዛንታ ብክለሰ-ሓሳባዊ ተንታን ዘይኮነ ብተግባር ልዕሊ 34 ዓመት ካብ መሰረታዊ ፖለቲካዊ መሰላት ክሳብ መሰረታዊ ሰብኣዊ መሰል ጨፍሊቑ፡ ብስም ስውኣትን ምኽባር መሬታዊ ልኡላውነትን እናተመጻደቐ ንዝገዝአካ ዘሎ እንኮ-ሰባዊ ስርዓት  በቲ ልክዑ ከተለሊ ዘይምኽኣል  መሰረታዊ ዛዕባኻ ምዝንጋዕ፡  ካብ ጥዑይ ሰብኣዊ ሕልና ምውራድ፡  ኣብ ከማኻ ሰባት ምምላኽ ’ዩ። 

Read more: ካብ ድሌቶም ወጻኢ ብኣካል ተፈላልዮም ዝጸንሑ ኣሕዋት ህዝብታት፡ ተራኺቦም ድዩ ክበሃል ዘለዎ ወይስ ተዓሪቖም?

  1. ብንጹር ስነ-ሓሳብ፡ ዓሚቕ ገምጋም ስራሕ፡ ዘይምራሕን ዘይግራሕን ፖለቲካዊ ምትእኽኻብ ውጽኢቱ ደምበርበር ክኸውን ግድን’ዩ
  2. ዘይናትካ ናተይ ምባል ‘ምበር፡ ምኽንያታዊ ሕቶ ምቕራብሲ ኣየባእስን።
  3. جبهة النحرير الارترية ተጋድሎ ሓርነት ኤርትራ
  4. መርድእ: ብምኽንያት ዕረፍቲ ኣያና ጸሃየ ተኽለሃይማኖት: መግለጺ (መሪር ሐዘን)
  5. ሐርበኛ ገብሪሂወት መሐሪ ብሰላም ዕረፍ: ሰብ ኣይነብርንዩ ታሪኽ ገዲፉዩ ዝሕልፍ፣
  6. Public Condemnation Letter Regarding the Unjust Treatment of Eritrean Refugees by German Authorities
  7. ኣብ ኲናት ትግራይ ተዓዲመ ኣትየ፡ ብዝፈጸምክዎ ተግባር ከኣ ተመስጊነ፡ ተመጒሰ
  8. ልዕልና ግዝኣተ-ሕጊ ምድኻም፡ ስነ ሞጎት ሓይሊ ምንጋስን፡ እዋናዊ ዓለም-ለኻዊ ብደሆ እዩ፡

Page 1 of 19